Shiqo gjithashtu

::

Shqipëria

Shqipëria është një vend në Europën Juglindore, në perëndim të gadishullit të Ballkanit. Ajo ndodhet midis koordinatave gjeografike 39 gradë e 38' dhe 42 grade e 39' të gjerësisë veriore dhe 19 gradë e 16' të gjerësise lindore, në largësi pothuajse të barabartë nga Ekuadori dhe Poli i Veriut. Siperfaqja e përgjithshme 28.748 kilometra katrorë. Kryeqyteti i saj është Tirana. Gjatësia e përgjithshme e vijës kufitare është 1094 km, nga të cilat 657 km - kufi tokësor, 316 km - kufi detar, 48 km - kufi lumor dhe 73 km - kufi liqenor.

Territori i Shqipërise ndahet ne 4 krahina të mëdha natyrore (fiziko-gjeografike): Alpet shqiptare, krahina malore qendrore, krahina malore jugore dhe ultësira bregdetare.

Shqipëria bën pjesë në brezin subtropikal dhe përfshihet në zonën klimaterike mesdhetare, me dimër relativisht të shkurtër e të butë dhe me verë të nxehtë e shumë të thatë.

Popullsia shqiptare është me moshë shumë të re. Mbi 40 për qind e saj, si për meshkuj edhe për femra, i përket grup-moshës 0- 19 vjeç, 50 për qind grup-moshes 20- 64 vjeç dhe vetem 10 për qind janë mbi 65 vjeç. Në krahasim me vitin 1938, popullsia është më shumë se trefishuar, duke arritur rreth 3,5 milionë banorë.