Masat

Për të përgatitur sa më mirë ushqimin sipas recetave tona, duhet ti përmbaheni sasive të poshtëshënuara. Kjo nuk do të thotë se ndonjë intervenim personal nuk është i nevojshëm, sepse përgatitja e ushqimit është një lloj arti ku improvizimet janë më se të nevojshme në disa raste. Nëse jeni fillestare në përgatitjen e ushqimit apo nuk jeni sa duhet të sigurta, do të ishte mirë që ti përmbaheni këtyre masave. Këto masa mund të jenë të cekura në mënyrë shumë precize p.sh. në gramë. në mililitra, në gotë, lugë etj. Po ju paraqesim një pasqyrë të disa artikujve nëse nuk keni peshore në shtëpi.

• 1 domate me madhësi mesatare = 100 gram

• 1 karotë me madhësi mesatare = 100 gram

• 1 patate me madhësi mesatare = 90 gram

• 1 qepë me madhësi mesatare = 90 gram

• 1 hudhër me madhësi mesatare = 6 gram

• 1 lugë e plotë sheqer = 25 gram

• 1 lugë e plotë sheqer pluhur = 30 gram

• 1 lugë e plotë miell = 25 gram

• 1 lugë e plotë mjaltë = 50 gram

• 1 lugë vaj = 15 gram

• 1 lugë(e kafes) ujë = 5 gram ujë

• 1 lugë kafe e bluar = 6 gram

• 1 lugë kripë = 5 gram