Folia e aluminit

Sot, në kuzhinën moderne pothuajse nuk mundet pa folie alumini. Mirëpo, folia e aluminit nuk shërben vetëm për mbështjelljen e ushqimit para ruajtjen në frigorifer por përdoret edhe për shumë qëllime tjera. Ja disa shembuj:

• Nëse zieni vezë të krisura, para futjes në ujë, mbështillni ato me folie alumini.

• Për ta lehtësuar pastrimin e mundimshëm të furrës, mbështillni furrën me folie para se të futni çka do për pjekje në furrë.

• Për të mbajtur sa më tepër nxehtësi brenda dhomës tuaj, izoloni me folie murin e afërt me furrën tuaj në mënyrë që nxehtësia mos të humbas nëpër mur por ajo do të reflektohet në dhomë.

• Nëse keni përdorur brushën për lyerje, në vend që ta lani atë, vetëm pastrojeni mirë dhe mbështilleni mirë me folie. Ngjyra në brushë nuk do të forcohet.

• Murin me lagështi në dhomë, për raste urgjence, mund ta mbuloni me folie alumini në mënyrë që lagështia mos të përhapet në dhomë.

• Në folie mund të fërgohet veja në mungesë të tiganit. Gjithashtu, në enën ku piqet ëmbëlsira mund të vendosni folien. Kur ëmbëlsira piqet, lehtë do ta nxirrni atë nga ena. E njëjta gjë vlen edhe për pjekjen e mishit, që duke ju falënderuar folies, nuk humb lëngun e as aromën.

• Folia e aluminit do të shërbej për mrekulli edhe kur piqet peshku ngase ena dhe furra nuk do marrin erë.

• Folia e aluminit mund të shërbej edhe si mbulesë në vend të kapakut, kur dëshironi që ena në të cilën zihet diç të mbulohet mirë.

• Buteri i mbështjellur mirë me folie alumini do qëndrojë i freskët për kohë të gjatë.