PRISHTINANET

Zvicra ka ndaluar importimin, prodhimin, shitjen si dhe përdorimin e pajisjeve të sistemit të navigacionit të cilët i paralajmërojnë vozitësit për vendndodhjen e kamerave dhe radarëve të shpejtësisë në rrugë. Ata që nuk i përmbahen rregullave do të paguajnë dënim të madh por nuk përjashtohet mundësia edhe dënim me burg.

Tani e tutje, të gjitha GPS sistemet e avancuara të cilat vozitësve ja u bëjnë me dije vendndodhjen e kamerave të fshehta si dhe radarëve kundër shpejtësisë, janë të ndaluara me ligj në Zvicër. Shitësve e sistemeve të navigacionit, si dhe atyre që prodhojnë këto pajisje, këto ditë i kanë marrë shkresat ku thuhet se këto pajisje nuk janë të lejuara.

Në këtë shkresë janë gjetur pajisjet e kompanive të mëdha si TomTom, Navman, Sony dhe ViaMichelin. Prodhuasit e këtyre pajisjeve kanë thënë se GPS sistemet e avancuara mundësojnë siguri më të mirë në trafik, por zyrtarë zviceran nuk i kanë pranuar këto sqarime.

Sipas përvojës së deritashme, pritet që shumica e vendeve evropiane ta përkrahë këtë ligj.
 

<<Kthehu prapa>>