PRISHTINANET

Në shikim të parë duket si pajisje e cila mund të shihet vetë në filmat me James Bond-in, por në të vërtetë ky është gliser në formë Delfini i cili do të jetë atraksion për milionerët e shumtë. Ky gliser mund të ngrihet lartë deri në tri metra por mund të bëjë edhe disa akrobacione tjera në ajër. Këtë model e kanë krijuar dy adhurues të flaktë të sporteve ujore, 33 vjeçari nga Zelanda e Re Rob Innes dhe amerikani Dan Piazza nga Kalifornia. Seabreacher është i punuar prej fijeve të qelqit, çelikut i cili nuk ndryshket si dhe aluminit. Në te është e vendosur edhe kupola e të cilën e përdorin Forcat Ajrore të Sh.B.A.-ve. Ky model ka gjatësi 4.5 metra dhe peshon 453 kilogram. Në zhvillimin e këtij modeli është punuar rreth 8 vite, ndërsa krijuesit e tij mendojnë se ky model do të jetë Formula 1 e ujit. Çmimi i Gliserit-Delfin është 60.000 euro.

<<Kthehu prapa>>