PRISHTINANET

Ndërpriten bisedimet për arritjen e një marrëveshjeje mbi formatin unik të Dvd të gjeneratës së ardhshme. Siç dihet përballë janë dy standarde të ndryshëm nga njëri tjetri: Blu-ray që përkrahet nga Dell, Samsung, Philips, Matsushita dhe Hd-Dvd i drejtuar nga Toshiba, Nec, Sanyo. Për të evituar një luftë të pafundme, dy sponsorë më të mëdhenj (Toshiba e Sony) në prill u ulën në një tryezë për të gjetur një pikë të përbashkët. Marrëveshje që dukej shumë e afërt dhe shihte si fitues Blu-ray. Propozimi parashikonte që formati i ri unik do të përdorte teknikat e regjistrimit fizik të përkrahura nga Sony, ndërsa Toshiba do të merrej me softuerin, të drejtën e autorit dhe transferimin e të dhënave. Sipas Sony-t, Blu-ray ka një strukturë të dhenash më komplekse sesa Hd-Dvd dhe lejon një kapacitet më të lartë për memorien (100 Gbkundrejt 45 Gb),prandaj do të kishte qenë më e lehtë të integrohej struktura e të dhënave të Hd-Dvd në Blu-ray se sa e kundërta. Pas disa muajsh negociatash, Toshiba nuk e pranoi këtë linjë bisedimesh, por thuhet që është vetëm një ndërprerje e përkohshme.

<<Kthehu prapa>>