Janar

02.09.2002

Gratë në Iran tani kanë të drejtë divorci
Parlamenti Iranian miratoi ligjin e ri me të cilin për herë të parë në histori të këtij shteti u jepet mundësi që gratë të kërkojnë prishje martese. Ligji i ri ende nuk ka hyrë në procedurë. Gratë në Iran deri tani nuk kanë pasur të drejtë për pjesë të njejtë të pasurisë, mbikqyrje mbi fëmijët, dhe as nuk kanë pasur të drejtë të lëshojë atdheun.

"Vdekje taksistëve mashtrues"
Ministri i turizmit të Malejzisë propozoi për të gjithë taksistat që mashtrojnë turistat të denohen me vdekje. Abdul kadir Sheikh Fadzir i krahasoi taksistat të cilët u paguajnë klientëve turistë më shtrenjtë dhe i mashtrojnë me "tradhtarë dhe komunista", duke i quajtur edhe armik të shtetit. Ai shtoi se këtë propozim ai do tia përcjellë edhe ministrave tjerë, por nuk është i sigurt se ata do ta pranojnë. Reagimi i Fadzirit erdhi pas një kumtese se 70% e taksistëve të Kuala Lumpurit janë të gatshëm të vjedhin dhe mashtrojnë turistat.

03.09.2002

Një vetvrasje pa sukses me fund tragjik
Në vendin Sllovak Straznji Vrh në afërsi të Crnomlja, ndodhi një fatkeqësi tragjike familjare. Një grua 66 vjeçare e sëmurë psiqikisht vari të shoqin e saj në krevat, me një litar me të cilin ajo deshi të bënte vetvrasje. Burri ishte duke fjetur pasdite, kurse gruaja në banjo kishte pregaditur litarin për të bërë vetvrasje, duke menduar se burri i saj atë po e mashtronte. Por në një çast ajo ndryshoi mendjen dhe vendosi që në fillim të vrasë burrin e pastaj veten. Me një litar plastik shkoi në dhomën e fjetjes dhe ia lidhi burrit rreth qafës. Ai në atë moment zgjohet nga gjumi duke menduar se është fjala për ndonjë shaka dhe thotë "mirë shtrëngoje", çka edhe ajo bëri një gjë të tillë. Ai pas 15 sekondave vdiq. Ajo në vend se të transferohet në burg, ajo u transferua në klinikën psikiatrike, sepse u vërtetua se edhe më herët ajo kishte probleme psiqike, të cilat shpesh shkaktuan grindje në familje.

Telefoni mobil 3G Motorola A820
Motorola nxorri në treg një model të ri A820, i cili punon me rrjetin e ri 3G, çka mundëson përdorimin në më shumë se 170 shtete në botë. Është e pajisur me kamerë e cila mundëson fotografim në format TIF dhe GIF dhe dërgimin e tyre nëpërmjet MMS. Si funksion interesant i këtij mobili është Multitasking, gjegjësisht mundësia e kryerjes së dy apo me shumë operacioneve në të njejtën kohë, çka do të thotë se përdoruesi mund të nxjerrë informata nga interneti dhe në të njejtën kohë të bisedojë.

04.09.2002

Senzacionale: Shkenctarët zbuluan një vrimë në teorinë e Ajnshtajnit
A po hapet mundësia e udhëtimit në kohë?
Shkenctarët Australian pohojnë se shpejtësia e dritës është larg asaj që të jetë konstantë universale e cila i mundësoi Ajnshtajnit të parashohë se E=mc2, por ata mendojnë se është vetëm një ngadalsim. Ky pohim, nëse mund të dëshmohet, mund të sjellë deri te rishikimi i të gjithë asaj çka deri tani kosmologët besojnë në atë se si univerzumi po zhvillohet, duke hapur një faqe të re në teorinë e fizikës. Këto studime Australiane, siç shkruan Tajms nga Londra, dhe e publikuar në revistë Nature, gjithashtu mund të hapë mundësi për udhëtim me një shpejtësi më të madhe se të dritës, dhe me këtë të shkohet mbrapa me kohë.

05.09.2002

Pirja e duhanit më e dëmshme për femrat
Pirja e duhanit më e dëmshme për femrat se sa për meshkujt, njohtojnë shkenctarët Danez në një artikull të botuar në revistën "Journal of Epidemiology and Community Health" Shkenctarët Danez konstatuan se vetëm edhe pirja e tri cigareve në ditë mund të rrisë rrezikun nga infarkti. Për gratë të cilat pijnë më shumë se 25 cigare në ditë, rreziku nga vdekja e hershme është katër herë më i madh se sa ato gratë që nuk e pijnë duhanin. Ky rrezik tek meshkujt është dy herë e gjysmë më i madh. Duhani përmban supstanca të cilat dëmtojnë hormonet Estrogjene, e cila mbron nga sëmundjet e zemrës dhe enëve të gjakut. Rreziku mund të parandalohet vetëm me ndërprerjen e duhanit.

13.09.2002

Foshnja nëntëmuajshe plaçkiti një kamion birra !!!
Foshnja nëntëmuajshe Beniamin Szczygiel nga Polonia me postë mori denim nga gjyqi në emër të vet, në të cilën thuhet se ka plaçkitur një kamion birra nga një shitore me shumicë aty në afërsi. Çka është më interesant, në aktakuzë është e shenuar se kjo vjedhje ka ndodhur para lindjes së Beniaminit. Nëna Beata Danskowska - Szczygiel, u habit kur gjeti denimin që duhej të paguante prej 1418 zlota (rreth 350 euro), dhe me këtë rast ajo deklaroi: "Djali im ende nuk mund të ecë. Ai pi qumësht e jo birra".

14.09.2002

Tyson përsëri në ring
Dikur kampioni botërorë në kategorinë e rëndë Mike Tyson, pas një humbje të rëndë nga Lenox Lewis pas 6 muajsh do të hyjë përsëri në ring. Menaxheri i tij njohtoi se më 7 dhjetor të këtij viti është planifikuar meçi kundër Kliford Etien. Etien në qershor boksoi kundër Frensis Botës nga Afrika e Jugut, me një rezultat të barabartë, kurse në karierë ka 24 fitore nga gjithsejt 26 ndeshje që i ka.
Ende nuk është caktuar vendi se ku do të zhvillohet ndeshja.

Në gjyq për emrin Bin Laden !!!
Nj çift me kombësi Turke në Gjermani gjendet në gjyq për shkak të refuzimit që fëmija i tyre të mbajë emrin Osama Bin Laden. Edhe pse fëmija ka lindur në qershor, ende ai nuk ka emër legal. Prindërit e thërasin Osama, për çka edhe i pret gjyqi lokal, ku pas kësaj me siguri edhe gjyqi më i lartë. Prindërve të Osamës së vogël, përveç që qeveria Gjermane e refuzoi për regjistrimin e emrit, ata i kishin refuzuar edhe qeveria Turke që në mënyrë legale të regjistrojnë emrin Osama Bin Laden.

2 0 0 1

2 0 0 2

2 0 0 3

2 0 0 4

2 0 0 5