Janar

01.11.2002

Aspirin i rrezikshëm për fëmijë
Fëmijët me moshë nën 16 vjeç duhet t'i ikin përdorimit të aspirinës për shkak të rrezikut dhe çregullimet që mund të shfaqen në punën e trurit dhe mëlçisë. Prej vitit 1986 deri sot 18 fëmijë në Angli janë sëmurë prej sindromit Rey pas përdorimit të aspirinës. "Shkaqet e sindromit Rey ende nuk janë shpjeguar plotësisht, por këta fëmijë kishin marrë aspirinë për shërimin e gripit", thuhet në agjencinë e kontrollit të barnave, e cila nga prodhuesit kërkon ta shenojnë në kutinë e ambalazhës këtë paralajmërim.

Memory Frame - kornizë digjitale për fotografi
Kompania Amerikane Pacific Digital do të fillojë me shitjen e ramit digjital për fotografi. Ky ram quhet MemoryFrame, dhe në vend të vendit për të vendosur fotografinë ka ekran TFT LCD. Për të treguar fotografitë në ekran duhet që fotoaparati digjital të lidhet me USB, dhe pastaj fotografit do të barten në memorinë e kornizës. Kjo kornizë vjen edhe me programin PixMaster e cila mundëson "slideshow" me më shumë se 50 fotografi, çka mund të rotullohen, të përpunohen me efekte të ndryshme. Kjo kompani njohton se MemoryFrame mundëson një mënyrë të re për të treguar fotografitë digjitale pa kompjuterë dhe pa printer, dhe do të shitet me çmim prej 299 dollarë

04.11.2002

149 autogola në një ndeshje
Kamionët e ri të ligës së parë të Madagaskarit fituan në ndeshjen e fundit në kampionat me rezultat 149-0, pasi kundërshtarët e tyre në rrjetin e vet kishin "futur" të gjithë 149 golat. Klubi "AS Adema" fotoi në "Stade Olympique l' Emyrne" pasi lojtarët e ekipit SOE arritën të shënojnë 149 autogola pasi ishin revoltuar me një vendim të gjyqtarit, njohton radio Madagaskar. Radio thekson se ky rezultat paraqet një rekord të ri botërorë për shënime të autogolave në një ndeshje të ligës së parë.

09.11.2002

U caktua shkaku i "zërave të brendshëm" të cilat i dëgjojnë shizofrenikët
"Pjesa e trurit i cili përcakton nga vijnë zërat tek këta të sëmuar psiqikisht nuk funksionon mirë. Kështu mund që truri të dëgjojë diçka që vjen jashtë", spjegoi udhëheqësi i ekipit hulumtues Ralf Erkwoh. Në të vërtetë, zërat janë vetëm në kokë të sëmurit. Për shkak të defektit, të sëmurët nuk mund të dallojnë zërat, po bisedon dikush me ta ose janë vetëm haluciancion akustik. "Truri gjatë dëgjimit është i specializuar pvr dy komponente: atë çka dëgjojmë - dhe prej nga vie zëri" tha Erkwoh. Shkenctarët të cilët kanë shqyrtuar shizofreninë deri tani janë marrë vetëm me analizën e zërave të cilat të sëmurët i dëgjojnë, dhe jo atë se si ka ardhur deri te ajo që ata i dëgjojnë këto zëra. Nga shizofrenia janë të sëmurë rreth 1% e popullatës, dhe një e treta e të sëmurëve ka halucinacione dhe dëgjojnë zëra.

10.11.2002

Njeriu me 16 fakultete
Ndoshta për dikend është vështirë të mbarohet vetëm një fakultet, por për Jagdishu Sinhu vetëm qielli është kufi kur është në pyetje shkollimi. Ky njeri thotë se kënaqet duke mësuar dhe kjo është gjëja më e mirë që mund t'i përkushtohet. Me këso mendime, ai tërë jetën gati e kaloi duke mësuar "Nëse marrim kohën për ushqim dhe disa obligime të vogla, kam kaluar çdo minut çdo ditë duke lexuar mbi tema të ndryshme siç janë gjeografia, historia, zoologjia, letërsia, ekonomia dhe të njejta" thotë Jagdisha për pasionin që ka për të lexuar.
Jagdish sot ka 88 vjet, dhe këto ditë, së bashku me kolegët më të rinj 70 vjet, shkon në fakultet, edhe atë për herën e 17-të ! Ky plak energjik vendosi që të përmirësojë dhe shtojë diturinë e tij mbi letërsinë. Regjistroi letërsinë Angleze në shkollën e lartë Luckow University.
Jagdisha Sinha ishte profesor dhe drejtor në një kolegj në Indi. Diplomat e tij të fakultetit i mori nëpër kolegjet e Indisë dhe ka vendosur që të mësojë ende edhe në ditët e pleqërisë. "Në fakt dëshira për të mësuar është ajo që më mban në jetë, tha 88 vjeçari i cili ka gjetur kuptimin e jetës së vet.

11.11.2002

Në Azi 70.000 fëmijë ushtarë
Kombet e Bashkuara apeluan që të demobilizohen rreth 70.000 fëmijë luftëtarë, ndërmjet të cilëve ka edhe 7 vjeçar, pjestrarë të ushtrive dhe grupeve të ndryshme militante në Azinë Lindore. Drejtori i UNICEF Kerol Belami, duke prezantuar studimin e UN me titull "Luftrat e të rriturve, fëmijët ushtarë" tha se rreth 300.000 fëmijë-luftëtarë nëpër botë dhe rreth një a katërta ndodhet në Azinë Lindore. Nga arkiva u tregua një inçizim nga janari i vitit 2000, kur atherë 12 vjeçari Sambo, pjestarë i grupit Karen po luftonte kundër qeverisë në Mjamaru. Në tekstin shtesë nuk thuhej se Sambo i kishte 14 vjet.

New York kandidat për Lojrat Olimpike 2012
Këshilli Olimpik i SHBA (USOC) zgjodhi New York-un si kandidat për mbajtejen e lojrave Olimpike në vitin 2012. Në konkurencë ishin New York dhe San Francisco, por antarët e USOC vendosën për New York pasi të dy qytetet kishin prezantuar kandidaturat. Kandidatura e New York më së shumti lidhej me emocionet me sulmin e 11 shtatorit mbi WTC vitin e kaluar. Vendimin për qytetin organizator të Lojrave Olimpike 2012 do të vendoset nga Këshilli Organizativ Ndërkombëtar (IOC) në vitin 2005

29.11.2002

Gjuha më e gjatë në botë
Një nxënëse nga Gjermania hyri në librin e Guinness të rekordeve sepse ajo ka gjuhën më të gjatë në botë. Gjuha e 12 vjeçares nga Tangsted, afër Hamburgut është e gjatë 7 centimetra. Ajo është në gjendje ta lëpijë akulloren nga fundi i kornetit. "Jam e lumtur sepse të gjithë njerzit në botë tani dijnë për mua dhe për gjuhën time" tha ajo.

2 0 0 1

2 0 0 2

2 0 0 3

2 0 0 4

2 0 0 5