Janar

03.07.2002

Paratë nuk kanë aq shumë rëndësi
Një djalosh pesëvjeçar nga Italia, i grisi 1500 Euro, pasi gjyshi i tij i kishte shpjeguar se në jetë paratë nuk kanë edhe aq shumë rëndësi. Ky djalosh nga Mirabella Imbaccari në Sicili, mori të hollat nga kuleta e babait, ato i grimcoi në copa të holla, dhe më në fund i hodhi nga dritarja. Kur prindërit e habitur e pyetën se pse e ka bërë këtë, ai u arsyetua duke thënë se gjyshi i tij më parë i kishte spjeguar se: " Paratë nuk kanë aq shumë rëndësi në jetë, shumë me rëndësi është të duash njerëzit afër teje".

05.07.2002

Tokio qyteti më i shtrenjtë në botë
Kërkimet e fundit të qeverisë Japoneze treguan se Tokio edhe më tej mbetet qyteti më i shtrenjtë në botë. Kërkimet përfshinë çmimet e 38 artikujve në Tokio, New York, Berlin, Zhenevë, Londër, Hong Kong dhe Singapur. Kjo tregoi se birra në Tokio është 2.4 herë më e shtrenjtë se në New York, biletat për kinema 1.5 herë, kurse një lojë Golf 5.9 herë më shtrenjtë. Diçka ka më lirë në Tokio se në qytetet tjera të botës, si psh disa veshje për meshkuj.

Maradona - artist
Legjenda e futbollit nga Argjentina Diego Maradona, po përgatitet për një rol në film që do të jetë një komedi që ka lidhje me futboll. Filmi është një tregim për një banor të ishujve të Falklandit, i cili vendos të vijë në Argjentinë për tu bërë yll futbolli. Producent i filmit është Octavio Nadal, kurse filmi do të jetë bashkëpunim i kompanive Angleze dhe atyre nga Argjentina.

06.07.2002

Fluturat po lajmërohen një muaj më përpara se 60 vite më herët!!
Fluturat po lajmërohen një muaj më përpara se siç ishte në vitin 1940, çka është një sinjal i ndryshimeve klimatike. Disa kërkime trgojnë se disa lloje të fluturave janë paraqitur qysh në mes të muajit janar. Kështu flutura e kuqe në Britani u paraqit qysh me 19 janar, kurse në vitin 1940 deri 1970 ajo kurrë nuk u paraqit para 28 majit. Të gjitha llojet e fluturave u paraqitën gjatë 1990 më herët se 1940 deri 1970. Pesë lloje të fluturave të cilat dimërojnë me madhësinë e tyre të rritur, lajmrohen mesatarisht 74 ditë më përpara se në vitin 1940. Për të gjitha llojet në përgjithësi, mesatarja e paraqitjes së tyre tani është 28 ditë më herët se më përpara.

07.07.2002

Janë shitur një miliardë kompjuterë
Që nga fillimi i shitjes komerciale e deri më sot, nëpër botë janë shitur mbi një miliardë kompjuterë, njohtohet në raportin e Gartner Dataquesta. Sipas parashikimeve të kësaj kompanije, deri me vitin 2008 ky numër do të dyfishohet, kurse rritje më të madhe pritet të ketë në Kinë, Amerikë Latine, Europë Lindore dhe Indi. Kompjuteri parë komercial ishte Altair, dhe ai u lansua në vitin 1975.

08.07.2002

Sony prezantoi fotoaparatin e ri digjital
Sony prezantoi fotoaparatin më të vogël deri tani, dhe po mer hapat e parë ta plasojë atë në tregun e aparateve të lira. DSC-U10 ka dimensione që lehtë përshatet në dorë sepse është i madh vetëm 8.5 x 4.0 x 2.9 cm me një peshë 118 gram (me bateri, Memory Stick), çka përafërsisht ka dimensionet e një telefoni mobil. Mirëpo, dimensionet e vogla dhe pesha e lehtë ka çmimin e vet - aparati është i varfër me mundësi në raport me modelet standarde tjera të Sonyt.

09.07.2002

50 hot-dog për 12 minuta !!
Në garën tradicionale në ngrënjen e hot-dog-ëve e cila për herë të dytë po mbahet me rastin e Ditës së Pavarsisë së SHBA, në New York, dy herë radhazi po fiton Takero Kobayashi nga Nagano, i cili "gëlltiti" 50 hot-dog vetëm për 12 minuta. 24 vjeçari Takero shumë larg i kishte lënë garuesit tjerë nga Amerika, Kanada, Gjermania, Tajlanda, sepse vendi i dytë Eric Booker nga New Yorku arriti të hajë vetëm 26. Fituesi mori kupën dhe "senf" brezin e verdhë si dhe ngrënje njëvjeçare pa pagesë të hot-dog.

10.07.2002

Sarkofagu më i vjetër në Egjipt
Arkeologët nga Egjipti zbuluan sarkofagun më të vjetër të paprekur, i cili i përkiste mbikqyrësit të puntorëve të cilët ndërtonin piramidat, njohtoi arkeologu nga Egjipti Zahi Hawass. Kapaku i sarkofagut ende është i vulosur, çka do të thotë se "askush nuk e ka hapur mbi 4600 vite" tha Hawass, duke shtuar se kjo do të hapet në shtator. Në varr u gjetën edhe disa enë nga dinastia e IV-të (2613 deri 2494 p.e.s), më të vjetra se ato që janë gjetur në varrin e mbretit Tutankamon (1350 p.e.s), të cilat të paprekura i gjet Harold Carter në vitin 1922. Hieroglifet e gjetura në varr jo larg piramidës në Giza, tregojnë se pronar i sarkofagut është Ny-Nsw-Wsert dhe titulli i tij ishte "mbikqyrës i administratës". Ky është një zbulim ku tregon se piramidat i kishin ndërtuar Egjiptianët e jo përfaqsuesit e civilizimit të humbur, pohon Hawass. Varri në të cilin u gjet ky sarkofag gjendet nja dy kilometra juglindje nga Sfinga, në varrin e madh të punëtorëve të cilët ndërtonin piramide dhe varre në Giza. Varri i mbikqyrësit përmban një korridor të ndërtuar prej guri dhe ka një strukturë të njejtë me atë të piramidës në Giza. Aty ishin pesë vende për trupa, ku në njërin ishte sarkofagu, dhe besohet se në të tjerët mund të jenë varrosur anëtarët e tjerë të familjes.

11.07.2002

"Statin" mbron nga infarkti
Sipas rezultateve të një hulumtimi në Britani - "Statin" - bari i cili përdoret nga njerzit për shërimin e nivelit të lartë të kolesterolit në gjak, mund të jetë një mbrojtje e mirë nga infarkti në njerëz me nivel të kolesterolit normal. Statin deri tani iu është dedikuar vetëm njerëzve të cilët kanë ankuar për sëmundje të zemrës dhe nivel të lartë kolesteroli në gjak. Por, sipas rezultateve të një studimi të paraqitur në revistën "Lancet", dhe njerëz nga grupe të tjera të rrezikuara, si diabetikët, apo personat të cilat ankojnë nga zgjerimi i enëve të gjakut në këmbë, mund të kenë dobi. Sipas të njejtit zbulim, marrja e vitaminave shtesë nuk sjell mbrojtje më të madhe nga sëmundjet e zemrës.

12.07.2002

Më shumë telefona mobilë se njerëz
Të dhënat zyrtare të qeverisë Tajvaneze tregojnë se në Tajvan numri i telefonave mobil ka tejkaluar numrin e banorëve. Numri i telefonave është 0.7% më i madh se numri i banorëve, por këto të dhëna tregojnë se numri i telefonave nga dy milionë sa ishin u bë 22.6 milionë telefona mobilë vetëm për katër vite. Në të njejtat hulumtime të cilat i zhvilloi gjatë vitit 2001 Agjencioni i Kombeve të Bashkuara, tregon se Tajvani gjendej në vendin e dytë në botë, pas Luxemburgut, në të cilin përqindja e telefonave mobil me numrin e banorëve ishte 96.7%. Besohet se me këto rezultate më të reja, tajvani gjendet në vendin e parë në botë. Shumë shtëpi në Tajvan kanë nga dy-tri telefona mobil, kurse disa përdorues me vete kanë më shumë telefona,- p.sh njërin për komunikim biznesi, tjetri për privat.

16.07.2002

Ilaçi kundër SIDA T-20
Ilaçi i ri kundër SIDA me emrin T20 do të jetë së shpejti në tregun e Europës dhe Amerikës, njohtuan përfaquesit e kompanisë farmaceutike "Timeris dhe Ros" në Barcelonë. Fjala është për një bari i cili siç thuhet, inhibitor i fuzionit dhe funksionon në atë mënyrë duke parandaluar virusin e sidës të vendoset në qelizë. Të gjithë ilaçet kundër sidës deri tani, në përjashtim të këtij, veprojnë në virus atherë kur ai vepron në qelizë të sistemit imunitar.

2 0 0 1

2 0 0 2

2 0 0 3

2 0 0 4

2 0 0 5