Mihai Cepleuca nga Bukureshti përdori rreth 7.000 kutija të cigareve, dhe njohton se i duhen edhe disa të tjera të përfundojë arkivolin në të cilin do të vorroset. Me këtë "projekt" ai dëshiron të japë mesazh njerëzve se pirja e duhanit me të vërtetë mund t'ju varros. Mihai i ngjiti të gjitha kutijat në arkivolin prej druri të cilin e kishte pregaditur më parë. "para 12 viteve pirjen e duhanit fillova ta përdori si shërim të nervozës", gjatë gjithë jetës e kam ditur se pirja është e dëmshme, por nuk munda ta ndaloj. Tash jam i vjetër dhe pi rreth dy kutija në ditë". Jastëkun e arkivolit e mbushi me filtera të cigares.

Krimbi i ri u shfaq për festat e vitit të ri i cili duket si një animacion, ai në të vërtetë shlyen pjesë të mëdha të sistemit operativ Windows, dhe filloi të përhapet nëpër Europë këtë javë, njohton kompanija Computer Associates Intenational. Krimbi i quajtur Reezak ( i njohur edhe me emrat Zacker.C dhe Maldal C) lajmrohet në email i quajtur me "Happy New Year" dhe në mesazh ka të shkruar "Hi, I can´t describe my feelings, but all I can say is Happy New Year :-) Bye". Në përmbajtje ka datotekën "Christmas.exe" e cila duket si të jetë animacion i përpunuar me Macromedia Flash. Kur klikohet dy herë. krimbi neve na sjell të gjitha adresat nga adresari dhe përpiqet të shlyejë të gjitha datotekat në direktorijumin Windows dhe pamundësimin e shfrytëzimit të disa tasterave në tastaturë. Ai përhapet vetëm nëpërmjet programet e Microsoftit Outlook dhe Outlok Express.

Kompanija farmaceutike Merck&Co. Inc. për këtë vit njohton se do të fillojë testimin në njerëz për shërimin e SIDA-s. Ata në konferencën për shtyp njohtuan se ky ilaç paraqet një hap përpara në lufteën kundër kësaj sëmundje. Ilaçi vepron në atë mënyrë duke bllokuar enzimin intergrazë.

Për herë të parë pas 50 vitesh në botë ra shitja e çokolladave. Në bazë të analitikëve kjo ndodh sepse rinia më shumë të holla harxhojnë në telefonat mobil. Vetëm në Britaninë e Madhe shitja e çokolladave ra nga 4.32 miliardë funta në 4.08 miliardë funta.

Në mes 11.500 njerëzve të cilët do të bartin stafetën olimpike për lojrat olimpike dimërore në Salt Lake City, do të jetë edhe një grua qindvjeçare. Sarah McClelland (102) po pregaditet për këtë detyrë, edhe pse pak më herët është rrëzuar dhe është lënduar lehtë. "Pak jam nervoze sepse kaq detyrë të vështirë nuk e kam pritur" thotë plaka e cila do të hyjë në histori si personi më i vjetër që mbajti stafetën olimpike. Ndër të tjera aty do të jetë edhe mbesa e saj 22 vjeçarja Jessi McClelland.

Referi futbollistik italian Pierluigi Collina është shpallur si referi më i drejtë për vitin 2001 nga Instituti ndërkombëtar për historinë dhe statisktikën e futbollit (IFFHS). Collina këtë çmim i cili jipet që nga viti 1987 e merr për herë të katërt, dhe konkurentët më të mëdhenj ishin Suedezi Anders Frisk dhe Danezi Kim Milton Nielsen.

Për herë të dytë në historinë e internetit numri i adresave të regjistruara është më i vogël se ai i shuar, njotohet më shenimet e dhëna për muajin dhjetor. Kjo situatë ishte e njejtë në qershor të vitit të kaluar dhe dhjetorin e 2001. Interneti u zvoglua për 182.142 adresa. Por nuk duhet të brengosen dashamirët e internetit se deri tash janë të regjistruara 36.276.252 adresa. Shënimet i publikoi Netcraft.

Kjo është ngjarje e vërtetë ku ndodhi në Rusi, në regjionin Altay, për natën e vitit të ri. Në postën lokale u erdhi një letër e adresuar për babadimrin. Kryeshefi e hap letrën dhe e lexoi sepse edhe ashtu nuk kishte kujt tja dërgonte. Në letër shkruante: I dashur babadimër, unë quhem Dima dhe jetoj në veri, këtu është dimër dhe ka shumë borë, po vjen viti i ri, unë nuk mund të dal jashtë sepse nuk kam pallto të nxehtë, dorëza, kapelë dhe këpucë. Të lutem më dërgo një pallto, doreza, kapelë dhe këpucë" Njerëzit në postë ishin të brengosur për këtë fëmijë. Ata mblodhën para dhe ua blenë gjërat përveç dorëzave dhe ia dorëzuan në emër të babadimrit. Pas disa ditësh ata morën përgjegje për babadimrin: "Faleminderit për dhuratat, babadimër, të gjitha gjërat i mora, përveç dorëzave, ato me siguri i kanë vjedhë në postë.

Kompanija për antivirusë Panda software këto ditë nxorri listë e virusave për vitin 2001 të cilët më shumë sulmuan kompjuterët. Në top listë gjendet Sircam (W32/Sircam), i cili është përgjegjës për rreth 24 % të rasteve të regjistruara. Disembowler (W32/Disembowler) është i dyti në listë me 18 %, i treti është virus/trojan/krimbi MTX (W32/MTX) me 12 %.

Finlanda filloi me testimin e rrjetit 3G të telefonave mobil. Dy operatorët Sonera dhe Radiolinja, vendosën që të provojnë këtë rrjetë, dhe përdorimi komercijal do të fillojë në katër qytete: Helsinki, Tempereu, Turkuu dhe Ouluu, këtë ose në fillim të vitit 2003. Më shumë për këtë test do të jepet në vjeshtë të këtij viti ku pritet wë Nokia dhe Ericsson do të nxjerrin në shitje modelet e tyre. Përndryshe rrjeti 3G është 40 herë më i shpejtë se këta të sotshmit. Teste bëhen shumë në Japoni, dhe përparsi më e madhe e kësaj rrjete se përmes rrjetit 3G përmes telefonit mobil mund të lidheni me internet, përcjellni aplikacione të ndryshme multimedijale real time etj.

Shkenctarët Amerikan njohtojnë se kanë zbuluar teknikë të re për zbulimin e rrenave e cila mund të i hedhë nga përdorimi detektorët e renave të sotshëm që janë në përdorim. Bëhet fjalë për video kamerë e ndieshme në ndrrimin e temperaturës të objektit në të cilin inçizohet. Me këtë kamerë përcillet ndryshimi i nxehtësisë në sytë e pyetësit. Nëse pyetësi rren, gjaku shpejtohet dhe vjen deri te humbja e nxehtësisë në regjionin rreth syve, ku me këtë kamerë shumë lehtë vërehet: Kjo teknikë u tregua shumë precize. Në bazë të mendimit të dr. Levinea, i cili udhëheq këtë projekt, kamera e ndieshme në nxehtësi mund të përdoret në aeroporte për inçizimin e fytyrave të njerëzve të cilëve iu parashtrohet pyetja " A posedoni armë".

Motorola në mars planifikon të nxjerrë mbushësin për telefona mobil që punon me energjinë e erës. Gjeneratori është i konstruktuar në bashkëpunim me kompaninë "Freeplay Energy", dhe një minutë e mbushur në erë dotë thotë pesë minuta bisedë ose disa orë pritje. Aparati është i rëndë 325 gram dhe do të kushtojë 72 euro.

Që "zona e vjetër" nga Torino ekipi futbollistik Juventus është shumë tërheqës u vërtetua edhe nga kryetari i shtetit, Moamer el Gadaf, i cili nëpërmjet agjencisë shtetërore "Lybian Arab Foreign Investment Company" bleu 5.31% akcione të Juventusit. Për këtë dhanë edhe zyrtarët e "bardh e zinjëve", të cilët thanë se shitja e kësaj akcije dëshmi se sa me rëndësi është të investohet në klubin e tyre.

BBC angleze ka kërkuar ndihmë prej tre linguistikëve që do ti duhen gazetarëve që do të përcjellin Kupën botërore për ti shqiptuar mbi 800 emra të lojtarëve, referëve, trenerëve dhe të tjerëve nga të gjitha anët e botës. Sipas fjalëve të Rasel T. Jones, i cili udhëheq ekipin e linguistëve, ku ky vet i flet 8 gjuhë, emrat më të vështirë i kanë lojtarët nga Afrika e Jugut. Shumë lojtarë kanë prejardhje nga Zulu, të cilëve emrat është shumë vështirë t'u mbahet emri menjëherë. Por edhe do t'u shtohet kujdes vetë emrave të organizatorëve - lojtarëve nga Korea dhe Japonia.

Fitues i fundit i relit Pariz-Dakar është japonezi Hiroshi Masouka i cili me Mitsubishin e tij, pas 17 ditëve, ishte më i shpejti në rrugën e gjatë 9.436 kilometra. Vendi i dytë i takoi gjermanes të vitit të kaluar Jutti Kleinschmitt, po ashtu me Mitsubishi. Në vendin e tretë është japonezi Kenjiro Shinozuki.

Drejtori i firmës Finlandeze Nokia, gjigandit në telekomunikacion, u denua me të holla, e cila mendohet se është denimi më i madh që është bërë ndonjëherë në këtë shtet. Siç njohton BBC, Ansi Vanjoki duhet të paguajë më shumë se 100.000 dollarë, në valutë nacionale finlandeze, sepse ai u kap duke vozitur motoçikletën e tij në një shpejtësi të palejueshme në Helsinki. Vanjoki voziti me shpejtësi 75 km/h nëpër qytet, ku shpejtësia e lejuar është 50 km/h.

Sipas nje zbulimi 1/3 e Koreanëve është i varur prej internetit. Ky sondazh u bë në burra dhe gra që janë ndërmjet 15 dhe 39 vjetëve, dhe rezultoi se 30.9 % prej tyre janë të varur prej internetit. Të varurit prej internetit bëhen nervoz dhe jo të qetë kur ata nuk kanë mundësi për të surfuar në internet, dhe sipas kohës që ata rrinë në internet është bërë dhe një shkallë e vartësisë, "normal" janë ata që në net janë tre deri pesë orë në ditë, kurse ata vartës serioz janë që rrinë mbi shtatë orë në internet.

Shkenctarët në një studim treguan se njerzit të cilët kanë prejardhje kineze kanë më pak nevojë për nikotin. Kjo specifikë zvoglon numrin e të sëmurëve nga kanceri i mushkërive tek këta njerëz. Shpjegimi për këtë është se në mungesë të disa enzimeve të cilët shpërbëjnë nikotinën dhe i cili mundëson që nikotini të mbetet më gjatë në trupin e njeriut. Njeriu atëherë ka ndjenja se nuk i duhet nikotin, dhe nuk konsumon cigare.

Dizajneri i njohur i shtëpisë së modës Gucci, Tom Ford njohtoi se kryeministri i Avganistanit Hamida Karzaia është mashkulli që vishet më së miri në botë, "Më eleganti mashkull në këtë planetë është kryeministri Hamid Karzai", tha Ford këtë javë në Milano, gjatë prezantimit të koleksionit të tij më të ri. Tom Ford shtoi se për Karzai do të dizajnojë koleksion të ri me emrin "kthimi në formalitet".

Sipas idesë së konstruktorit Norman Nixon, së shpejti do të fillojë ndërtimi i anijes më të madhe në botë, i cili do të jetë katër herë më i madh se çfardo të tanishmet "Freedom Ship" (Anija e lirisë), dhe do të ketë 15.000 të punësuar, kurse mund të shërbejë 17.000 familje dhe 20.000 vetë tjerë të përkohshëm. Anija do të ketë 25 kate dhe do të jetë me peshë 2.7 milion tonë. Në çdo dy vjet kjo anije do të shëtise botën, gjithmonë do të jetë në lëvizje, dhe do të jetë Zona Duty Free më e madhe në botë. Apartamenti më të shtrejtë në anije do të kushtojë 40 milionë dollarë, më i lirë do të jetë ai me 40 metra katror që do të kushtojë 120.000 dollarë, çka është relitivisht më i lirë në krahasim me New York dhe Tokyo.

Njeriu më i pasur në botë, Bill Gates, është dashamir i madh e serisë "Star Wars", dhe në gjërat nga kjo seri ai harxhon shuma të mëdha të hollash. Njëherë në një ankand, një përfaqsues i Gates-it për një revole laserike plastike nga kjo seri dha 40.000 dollarë. Udhëheqësi i ankandit u habit, ndaloi shitjen dhe e pyeti blerësin se a e di se kjo është një revole e thjeshtë prej palstike. Përfaqsuesi i Gates-it pohoi me kokë se po, dhe kjo revole lodër u bë pronë e shefit të Microsoftit.

Inçizimet e fundit satelitore tregojnë se shtresa e akullit në Antarktik po rritet. Më herët shkenctarët paralajmëruan për shkrirje të akullit në Antarktikun perëndimor, duke përshkruar këtë si nxemje globale. Matjet satelitore Ross këto ditë treguan se disa rryma të akullta u ndaluan dhe u ngadalsuan, duke mundësuar që akulli përsëri të trashet. Gjithashtu edhe revista Nature dha reportazh mbi zbritjen e temperaturës në Antarktik nga mesi i 80-ve e deri sot. Dhe kështu e gjithë tregimi mbi shkrirjen globale dhe rritja e nivelit të oqeanit ka mbetur se e "dyshimtë" .

Sipas rezultateve të hulumtimeve që i bëri kompanija Computer Economics nga Kalifornija, viruset kompjuterike vitin e kaluar nëpër botë kanë shkaktuar dëm rreth 13 miliardë dollarë. Dëmi është bërë për shkak humbjes së të dhënave dhe koha e cila u desht që sistemi të kthehet në gjendje të rregullt. Nga Computer Economics thonë se virusi më dëm prurës ishte Love Bug i cili në vitin 2000 u lëshua nga Filipina, bëri dëm rreth 9 miliardë dollarë.

Një i burgosur kanadez, që nuk e pinte duhanin, morri dëmshpërblim nga shteti rreth 3.600 dollarë për shkak se 20 ditë ishte i vendosur në një qeli me një të burgosur tjetër që pinte duhan. I pandehuri kishte denuar shtetin edhe para 3 vjetëve, duke thënë se ishte denuar me ligj që nuk ekzistonte në drejtësinë kanadeze. Atëherë qeveria kanadeze hodhi poshtë të gjitha akuzat, por gjyqi ishte e mendimit tjetër i dha dëmshpërblimin për pirje duhani pasiv. Pas shumë kritikave që ishin për qeverinë nga shumë organizata për të drejtat e njeriut, qeveria kanadeze u ankua rreth këtij rasti, duke thënë se ky ishte rast i veçant dhe se qelitë nuk mund t'i ndajnë të burgosurit.