Maskë ushqyese për fytyrën

19.06.2006

Vezë, mjaltë apo kos, janë përbërës që rrallë ndodh të të mungojnë në shtëpi. Dhe me to mund të sajosh maska çudibërëse për fytyrën. Qetësuese, ushqyese, stimuluese… zbulo disa truke të vogla për t’u bërë e bukur duke shfrytëzuar përbërësit më natyralë.

Këshillohet të vendoset vetëm një herë në muaj. Rezultati: një lëkurë si e një fëmije të porsalindur, falë veprimit zbutës të vajit të bajameve dhe atij ushqyes të së verdhës së vezës.

Përbërësit

3 lugë kafeje bajame pluhur

1 lugë kafeje vaj bajamesh

1 lugë kafeje pana

1 e verdhë vezësh

Si përgatitet:

Përzihen përbërësit në një enë derisa të përftohet një masa homogjene

Si përdoret

Vendoset me kujdes në fytyrë, duke shmangur kontaktin me pjesën e syve. E lë të veprojë për 15-20 minuta. Më pas shpëlahet me ujë të ngrohtë.